Ass a elsasser Maidla Miss France wìrd , dàs ìsch scho mankmol vorku, àwer a elsassischa Miss, wo nìt nur Elsassisch reda kàt, àwer o dràuiht a pààr Wärtla ìn dr Heimetsproch sàga, un dàs vor Milliona vo Züeschàuier, dàs ìsch eimolig !

Ja, s Delphine, vo Nìdermàschgets ìm Kànton Sierentz, zeigt siter sinera Krenung, wàs es beditet stolz sìì uf si Landla un uf sina Sproch.

A Vorbìld fer uns àlla, un bsunders fer dia wo meina àss ma nur kàt Elsassisch reda wenn mìr unter uns sìnn, fer dia wo zfrìda sìnn wenn sìe he un dà a Àschpruch unterschriwa, wo nur d Tìnta vom Kugalaschriwer koschtet, un fer dia wo ìhra Zit verschwanda fer Sìndabäck süacha, un ewer sìch salbscht johmera, ànschtàtt ebbis unternamma. Àn Àrwet fahlt's nìt !

Ja, s Delphine kà ma nur bewundera. Nàtirlig, dotliga Bemerkunga bliwa ìhm nìt erspàrt, leider nìt numma walscha, wo ma dr Dummheit züaschriwa kàt, àwer o elsassischa, wo meh mìt Iversucht un Mìssvergunscht zdüa han. As blibt gràd ìn sina Schüah, un mìr hoffa àss s Delphine, jetz wo as a Starn wora ìsch ìm hocha Hìmmelszelt, trotzdam a Liachtla blibt fer si Landla.

As hàt a schwar Johr vorna àn sìch, un ma weiss nìt wàs àlles kà pàssiera. Doch eins ìsch sìcher, s Delphine hàt uns dr Wag zeigt, un mìr sìnn's ìhm schuldig àss mìr uns isetza, ìsch's bi dr Jugend, bi da ältera Lit, oder, noch besser bi beida.

Dr nèigwählta Präsidant vu Tünesia, Moncef Marzouki hàt o kä Hemmunga fer sàga àss ar o Elsassisch redd. Ar ìsch Dokter, un ìsch 15 Johr làng ìn dr Gegend vo Strossburg gwohnt, ìsch mìt'ra Elsassera ghirota gsì, un sini zwei Dächtra sìnn ìm Elsàss gebora.

Mìr han scho gwìsst àss dr liawa Gott, un s Chrìschtkìndla Elsassisch reda känna, àwer a Miss France un a nordàfrikànischer Stààtschef, dàs ìsch dr Hàmmer.

Yves Bisch